Наши контакты:
+7(777) 970-85-15
» » Көңілді көкөністер

Көңілді көкөністер

18 апрель 2019
151
0

Көңілді көкөністер 

 

Жүргізуші:    

      Армысыздар ағайын! 

      Сәлеметсіздер ме, қадірлі  

 қонақтар! Бүгінгі берекелі де ырысты алтын күз құрметіне арналған мерекемізді бастаймыз. 

  Ортаға жеміс, көкөніс болып киінген балалар келіп би билейді. 

 

Би: «Көңілді көкөністер» 

Ән: «Әрқашан күн сөнбесін»  

 

Жүргізуші: Күзде өздері пісетін, тамаққа кеп түсетін 

                    Мақтанбақшы сіздерге , көкөністер сан түрлі! 

( Ортаға «көкөністер» шығып, өздері туралы тақпақтар оқиды). 

 

Қарақат(Көкөністер)    Көкөністер бәрі де 

                                        Денсаулыққа пайдалы. 

                                        Мұны жатқа біліңдер, 

                                        Оларды жақсы көріңдер. 

 

Еркенұр(Пияз)              Асханадан шықпаймын,          

                                       Атым – пияз, бұқпаймын. 

                                       Көзден жасты шығарам, 

                                       Тұмаудан бірақ сақтаймын! 

 

Ренат(Қызанақ)            Тал шыбығым бұралып,           

                                       Бақшаларда қызарып. 

                                       Тұрған ол мен- қызанақ, 

                                       Күнге қарап ұялып! 

 

Картоп(Айбек)             Картоп- біздің атымыз,         

                                       Жер астында жатырмыз. 

                                       Бір тамырдан тараған, 

                                       Ағайынбыз бәріміз! 

 

Мұрагер(Сәбіз)            Өсіретін бойыңды,             

                                       Дамытатын ойыңды. 

                                       Қоянға да азықпыз, 

                                       Сәбіздерміз жазықсыз! 

 

Ербақыт(Қарбыз)        Домаланған ала бас,            

                                      Дәмді шырын, даяр ас. 

                         

                     

       

Айдос(Қияр)                Дәмім тілді үйірген                 

                                       Мен тұздалған күйімде. 

                                       Жаңа піскен кезімде 

                                       Жейді бәрі сүйсіне. 

                     

Сырым(Қызылша)       Көк майсалы көрікті,       

                                       Алқаптағы көп егін. 

                                       Бұл күндері киіпті, 

                                       Сары жібек көйлегін. 

 

Ерназ(Орамжапырақ)  Мақтанғаннан не пайда,     

                                       Менсіз дәмді щи қайда? 

                                       Мені қосса самсаға, 

                                       Бәрі жейді тамсана. 

 

       Ән « Жаңбыр». 

 

Жүргізуші:            

                                       Жұмбақ:       

                      

                        Ағайынды бәрі  

                        Шықса – жасыл, 

                        Түссе сары. 

                        Бұл не?                          (жапырақ) 

                         

                         Жиып-теріп болатын, 

                         Қамбаға астық толатын. 

                         Қызыл қырман ойнайтын, 

                         Қай мезгіл деп ойлайсың?   (күз) 

 

                         Бойын жерге жасырған, 

                         Бұрымы бар жасылдан.   (сәбіз) 

 

                         Қалың киімді ұнатады, 

                         Шешіндірсең жылатады.   (пияз) 

 

                         Бұл не деген көп киім, 

                         Жетпіс қабат көп киім. 

                         Жаңбыр одан өтпейді. 

                         Қабат-қабат тоны бар, 

                         Түймелеуге жетпейді.        (орамжапырақ) 

 

                         Түбі толған құмалақ.        (картоп) 

                          

                        Сырты тәтті, 

                        Іші тәтті, 

                        Ортасы сүйек қатты.      (өрік) 

                       

                        Көкпеңбек еді көктемде, 

                        Қызарды күз жеткенде.  (алма)  

 

Ал, ендеше, балалар, бекер қарап тұрмаңдар. 

 

Дамытушылық ойыны: «Көкөністер мен жемістер» 

    Шарты: Жемістер мен көкөністерді екі себетке бөліп салу. 

 

Елданат(Жемістер)          Мен жеміспін, жеміспін 

                        Таңдай татар бал дәмім. 

        Мына тәтті бал дәмді  

                                           Дастарқаныңа арнадым 

 

Жүзім: (Айару)                Мен жүзіммін, жүзіммін 

                                          Моншақ болып тізілдім 

 

Өрік: (Қыдырәлі)            Мен өрікпін, өрікпін  

                                          Табиғатқа көрікпін 

 

Алма: (Рамазан)              Мен алмамын, алмамын 

                                          Таңдайда қалар бар дәмім 

 

Шабдалы(Мәдина)          Пісетін кезде дәл күзде, 

                                          Мезгілсіз оны сен үзбе. 

                                          Аузыңнан кетпес бал дәмі, 

                                          Оның аты шабдалы. 

 

Эльвира(Құлпынай)        Жапырақты тасалап, 

                                           Өсетін жері бақша-бақ. 

                                           Күрең қызыл шіркін-ай, 

Оның аты -  құлпынай. 

 

Ән: «Ойыншықтар» 

 

Ж: Біздің балалар көкөністерді жемістерден қалай тез ажырата алатынын көрейік. 

Ж: Ендеше тамашалаңыздар. ( Ойын  «Көкөністерді ажырат»). 

 Шарты: Себетке салынған жемістер мен көкөністер. Көкөністерді табу керек. 

Ж: Жарайсыңдар, балалар! Көрдіңіз бе, біздің балалар қандай епті, жылдам. Олар сіздерге би билеп бермекші. 

 

Би: Чунга - чанга  

 

Алтын күз: Өте жақсы биледіңдер, рахмет, балалар! Қандай ақылды балаларсыңдар! 

Көктемде көшет отырғызсаңдар, күзде жемісін жейсіңдер. Адам ағзасына қажетті дәрумендер жемістер мен көкөністерде көптеп табылады. Сондықтан да күнделікті жеп тұрыңдар. 

 

Би: «Қуыршақтар» 

Ата-аналармен ойын: «Күз келбеті» 

Екі топқа бөлініп, суреттерді қиып жапсырып, не жапсырғандарын айтып беру Балалар, келген қонақтарымызға « Сау болыңыздар!» дей отырып, күз берекелі, астықты болсын. 

Бірлестік орта мектебі 


Топ портфолио преподавателей
Войти через: