Отбасы – сыйластық, жарастық орнаған орта.Адам алғаш шыр етіп өмірге келген сәтінен бастап, отбасында ер жетіп, отбасының тәрбиесін алады. «Балапан ұяда не көрсе, ұшқанда соны іледі» - деген қанатты сөз шағын мемлекет саналатын отбасының тәрбиесі қандай екенін айқын аңғартады.
Біз отбасында үш жанбыз. Түн ұйқысын төрт бөлген аяулы анам, әрдайым көмектесетін, ақылын айтатын жанашыр ағам және мен.
Анам есепші болып жұмыс істейді. Анам - мен үшін өмірдегі ең мейірімді жан. Жалғыздыққа мойымай , аналық жүрегімен шырылдап, бәйек қағып, ағам екеуімізді өзі тәрбиелеп, қанаттыға қақтырмай, тұмсықтыға шоқыттырмай өсіріп келеді. Мен анамды мақтан тұтамын.
Анам - менің әрі досым, әрі сырласым, әрі ақылшым. Көзімде мұң пайда бола қалса, жанарымнан үнсіз оқып, түсіне қояды. Ана жүрегі сезімтал деген осы болса керек...
Ағам ағылшын курсына, жүзуге қатысады. Мен ағамнан түсінбеген жайттың бәрін сұраймын . Ол менің сұрақтарымды жауапсыз қалдырған емес. Ағалық , бауырмал жүрегімен жауап береді. Мен дегенде бәріне даяр, тіпті өз аузындағысын жырып беруге бар.Менің ағам- өте мейірімді жан, мен өзімде осындай ағам болғанын мақтан етемін.
Біз демалыс күндерін отбасымен бірге өткізгенді жақсы көреміз. Мерекелік қуаныштарды әрдайым бірге қарсы аламыз. Биыл жазғы демалыстағы сапарымызда Астана қаласында өткен EXPO-2017 көрмесін, Астананың көрікті жерлерін аралап,
тамашалап қайттық. Ал осы жылы туған өлкеміз Шымқалада қалып , тау бөктеріне шығуды жоспарлап отырмыз.
Жанұямыз - өте мейірімді ,бауырмашыл. Қиындығы мен қызықшылығы, ауыртпалығы, қуанышы мен қайғысы қатар жүретін өмір соқпағында бірін – бірі демеп, сүйеу бола білетін, өмір бойы ынтымағы жарасқан отбасы қатарында боламыз деп үміттенемін.Отбасы – табиғат сыйлаған кереметтердің бірі. Сол кереметтің қадірін бағалай білейік дегім келеді.
<!--[if !supportLineBreakNewLine]-->
<!--[endif]-->
