Менің аты-жөнім -Хамит Ақнұр.Мен Хамитовтар отбасында дүниеге келдім.Және өз отбасыммен мақтанамын.Атамның аты-Хамит.Бар болғаны 54 жасында дүниеден озған.Бірақ атамды барлығы мақтап,сегіз қырлы, бір сырлы деп айтып отырады.Домбыра тартқан,оқуын жақсы бітіріп,мектеп директоры болған,спортпен айналысқан,қолындағы барын ешкімнен аямайтын деп айтады.Тіпті кейбіреуі атама арнап өлең де шығарған.
Менің әжем,яғни атамның жұбайы- Баржақсы.Еркелетіп Баркен,Басеке деп атап кеткен.Көп балалы ана,ақылды әйел,қатал ене,мейірімді әже.Бүгінде 80 жасқа толып отыр.Жеті баласының қызығын көріп,қуанышына ортақтасып отыр.
Ең үлкен баласы-Имантүсіп.Еркелетіп Иван деп атаған.Әйелі-Оркен.Қазір екеуі ауыл шаруашылығымен айналысады.Балалары әкесінің жолын қуып жүр.
Екінші қызы-Жібек.Жібетай деп әжем қатты жақсы көреді.
Үшінші баласы-Аманқұл.Жұбайы-Анар.Біздің әулеттегі өнерлі отбасы.Үлкен ұлы-Аманжан қазіргі кезде ән айтып,бүкіл Қарағандыға танымал.
Төртінші баласы-Алмас.Үнемі қабағы ашылмаса да,жүрегі жылы,таза.Жаңа мырыштың құтқару қызметінің басшысы.Үлкен істі қолға алып отыр.Құдай қосқан жары-Гүлжанат.
Бесінші қызы-Мақпал.Қазір мектепте жұмыс істейді.Балалары қолөнерге жақсы.
Алтыншы ұлы-Болат.Елге Бука деген атпен әйгілі.Грецияда болған самбо жарысынан алтын алқа алып,Әлем чемпионы болды.Балаларының барлығы спортпен шұғылданады.Жары-Сәуле.
Ең кенжесі менің әкем-Талғат.Жүрегі жылы,көңілі таза жан.Әкемнің көңіл күйі жоқ болса да,бізге білдірмеуге тырысады.Үйдегі жалғыз ер адам.Әкемді бәрі атама ұқсатады.Яғни әкем де,атам сияқты сегіз қырлы,бір сырлы жан.Менің анам-Зайда.Анам үй шаруасымен айналысады.Кейде еркелетеді,кейде ұрысып та қояды.Мектептен келгенде бар тәттісін алдымызға әкеп қояды.Қолынан келмейтін ісі жоқ.
Менің егіз әпкелерім Инабат пен Әйбат.Әйбат-өнерлі,ән де айтады,би де билейді.Ал Инабат үй шаруашылығымен айналысқанды ұнатады.Екеуінің кіндіктері бір болғандықтан, бір-бірін қатты сағынады.Қазіргі кезде екеуі де аяулы жар,сүйікті келін.
Ортаншысы-Балжан.Балжанның қолынан келмейтін іс жоқ.Сабақты да жақсы оқиды,спортты да тастамайды,қолөнерден де құр емес,дәмді ас та әзірлейді.Бірақ кейде ұрысатынымыз да жоқ емес.
Үйдің кенжесі-мен.Мен кенже болғандықтан,еркемін.Оны көтере алмайтындар да бар.Мен өзімнің атама ұқсағым келеді.Мен спортпен айналысамын,оқуды да жақсы оқимын,домбыра тартып,ән айтып,би де билей аламын.Бірақ мамандық таңдаудан қиналамын.Маған барлық іс ұнайды және тез игеремін.
Мен өз отбасымды мақтамаймын,керісінше, өз отбасыммен мақтанамын.Менің отбасым бақытты отбасылардың- бірі,әрі бірегейі.
