» » Жаратылыстану "Ғажайып фабрика"

Жаратылыстану "Ғажайып фабрика"

Қысқа мерзімді жоспар

Пән: Жаратылыстану

Бөлімше: Өсімдіктер

Сынып: 3-сынып

Мектеп: "Алмалыбақ ауылындағы орта мектеп-гимназия мектепке дейінгі шағын орталықпен"КММ

Мұғалім:Сәріпова Раушан Құмашқызы

Қатысқандар саны:

Қатыспаған оқушылар:

Күні: 

Тақырыбы: 

Ғажайып фабрика.

Оқу мақсаты:

3.2.1.1 өсімдіктердің фотосинтез процесінде оттек бөлуін түсіндіру;

3.1.2.3 экспериментті жоспарлау және жүргізу.

Сабақтың

мақсаты:

Өсімдіктердің жасыл мүшелерінде жүретін үдеріс – фотосинтез туралы біледі 

Бағалау критерийі

  • фотосинтез процесіне байланысты оттек, глюкоза, көмірқышқыл газ ұғымдарын түсінеді
  • фотосинтез процесінде оттек бөлуін түсіндіреді
  • оттек бөліну үшін не қажет екенін атай алады

Тілдік мақсат

Терминдердің мағынасын түсініп, сөйлемдерде дұрыс қолданады. 

Пәндік терминология мен тірек сөздер: оттек, фотосинтез, глюкоза, көмірқышқыл газ 

Құндылықтар

Оқушылар өзара сыйластық, ынтымақтастықта жұмыс істеу дағдыларын жетілдіреді.

Пәнаралық байланыс

Дүниетану, қазақ тілі, математика.

АКТ қолдану дағдылары

Таныстырылыммен жұмыс

Алдыңғы меңгерілген білім

Оқушылар 1-2-сынып бағдарламасынан өсімдік мүшелері мен олардың қызметін, өсімдікті күту жолдарын, өсімдіктердің маңызын біледі.

Сабақ барысы

Жоспарланған уақыт

Сабақта жоспарланған іс-әрекет

Ресурстар

Сабақтың басы 

5 минут

Шаттық шеңбері: «Ыстық лебіз»

Шеңберге жиналып, бір-біріне жылы лебіз, тілек айту.

Ассоциация. «Өсімдік» ұғымын естігенде туындайтын ассоциацияларын атайды. 

Аталған түсініктердің кейбірін оқушылармен талдау, талқылау. Өсімдік туралы бастапқы білімдерін анықтау. 

ӨСІМДІК

 

 
 

Сұрақтар:

1. Өсімдік қандай мүшелерден тұрады?

2. Өсімдіктің негізгі бөліктерінің қызметін ата.

3. Өсімдіктің өсуіне не қажет?

4. Өсімдіктің қандай пайдасы бар?

5. Жапырақтар неге жасыл болады?

Көңілді әуен қосып қою.

Слайд №3

Ассоциация құруға арналған тақташаға «Өсімдік» сөзін іліп қою

Слайд №4

Сабақтың ортасы

5 минут

8 минут

5 минут

2 минут

минут

7 минут

Мақсат айқындау. Бүгінгі сабақта біз өсімдіктің, оның жапырақтарының неге түсі жасыл болатынын, сонымен қатар, өсімдіктің тіршілік үшін тигізетін ең басты пайдасы туралы білеміз. 

Инфографикамен жұмыс. Ең алдымен инфографикаға назар аударайық. 

 

Бірнеше оқушы өз қалауымен инфографиканы «оқуға» тырысады. Басқалары көмектесе отырып, шамамен мынадай тұжырымдар айтады: «Өсімдіктер ауадағы көмірқышқылгазды сіңіреді, оттек бөліп шығарады. Ол үшін өсімдікке су мен Күн сәулесі қажет».

Оқушыларға оттек пен көмірқышқыл туралы қысқаша айту: Оттек – ауаның құрамындағы тірі ағзалар тыныс алғанда жұтатын газ. Көмірқышқыл газ – тірі ағзалар тыныс шығарғанда ауаға бөлетін газ.

Зертте. Оқушыларды тәжірибе жасау үшін шағын топтарға «Геометриялық фигуралар арқылы» бөлу. 

Зерттеу жұмысын жүргізу үшін төмендегі әрекеттерді орындау. 

  1. Бір өсімдіктен екі жапырақ үзіп ал. 
  2. Бірдей ыдысқа салқын су құй. 
  3. Газдалған минералды суды қос (бұл өсімдікті көмірқышқыл газды алуы үшін қажет.) 
  4. Жапырақты толығымен батып тұратындай етіп суға сал. Қажет болған жағдайда жапырақтың шетін ұсақ тастармен бастырып қою керек. 
  5. Бір ыдысты қараңғы жерге, екіншісін Күн көзі тікелей түсетін жерге қой. 
  6. 3-4 сағат өткен соң жапырақтарды салыстыр. Қандай өзгерістерді байқадыңдар? Неліктен? 
  7. Қорытынды жаса. 

Мұғалім өзі алдын ала жасаған тәжірибе нәтижесін көрсету. Балаларға жапырақ бетіндегі көпіршіктердің оттек екенін түсіндіре отырып, жапырақтың көмірқышқыл газды, суды, Күн сәулесін сіңіретініне тоқталу. Нәтижесінде жапырақтарда күрделі үдеріс жүріп, оттек пен қоректік заттар түзілетінін айту 

(мүмкіндік болса, 3-4 сағат өткен соң әр топтың зерттеу нәтижесін тыңдап, оны талдап, бағалау).

Мұғалім-оқушы диалогі. 

Өсімдік - өз қорегін өзі өндіретін тірі ағза. Ол үшін өсімдікке не керек екенін анықтау үшін мына «Сиқырлы қорапшаның» көмегіне жүгінейік (Күннің жарығы, көмірқышқыл газ, су). Күн сәулесі жасыл жапыраққа түскенде, онда оттек пен қоректік зат – глюкоза түзіледі. Глюкоза өсімдіктің өсуі, дамуы үшін керек. Ал өсімдік ауаға оттек бөліп шығарады. Оттек барлық тірі ағзалардың тыныс алуына қажет. Жер бетіндегі тіршілікке әсер ететін фотосинтез үдерісі осылай жүреді.

Ойлан. Әр топқа екі сурет ұсынылады. Бір сурет көлік көп жүретін, ағаш аз қала көшесінде серуендеп жүрген баланы суреттейді. Ал екінші топ көлігі жоқ, ағаштар, бұталар, шөптері анық байқалатын орман немесе саябақта серуендеген баланы бейнелейді. 

Балалар, қала көшесінде немесе саябақта адамға не әсер етуі мүмкін, қалай ойлайсыңдар? (өсімдіктер оттек бөлетіндіктен, саябақ пен орманда тыныстау жеңіл болады)

Мұғалім-оқушы диалогі. 

Сен білесің бе? Фотосинтез сөзі грек тілінің екі сөзінен құралған: фотос – жарық және синтез – біріктіру. Осы процестің сызбасын жасап көрейік.

Оқушылар фотосинтез процесінің сызбасын жасайды. Шамамен мынадай нұсқа сызады: 

Көмірқышқыл газ + су + Күн сәулесі

     

қоректік заттар + оттек

Сергіту сәті.

Жеке жұмысқа дәптерде берілген тапсырмаларды орындау ұсынылады.

3-жұмыс парағы. «Ғажайып фабрика», 5-б. 

Дұрыс тұжырымды анықта. Оқушыларға алдымен тапсырманы өз бетімен орындап, содан соң тобындағы сыныптастарымен жауабын салыстыру керек.

(Жауаптары: Дұрыс жауап: 1, 3, 4, 5. Дұрыс емес: 2).

Мәтінді толықтыр. Оқушылар бос орындарға тиісті сөздерге септік жалғауларын дұрыс жалғап қою арқылы мәтінді толықтыра алады. 

1) оттекті, 2) түссіз, 3) фотосинтез, 4) сәулесінің, 5) суды, 6) қоректік заттарды. 

4-жұмыс парағы. «Маңызды газдар», 6-б. 

Фотосинтез үдерісі. Жұмыс парағының бұл тапсырмасын орындау үшін оқушыларға түрлі түсті қарындаш керек. Тапсырма оқушылардың меңгерген білімін бекіту үшін әрі қалыптастырушы бағалау құралы ретінде тиімді.

Бағалау.

Бағалау критерийі

Дескрипторлар

Фотосинтез үдерісін түсінеді.

  • Өсімдіктердің фотосинтез үдерісінде оттек бөлуін біледі.
  • Газдың оттек екенін түсінеді.

Тәжірибені жоспарлайды 

  • Тәжірибені жоспарлап,  жүргізеді.

Слайд №5

Геометриялық фигуралар

Слайд №6,7

Сыныптың ішіндегі кез-келген өсімдіктері мен су көрсетіледі, тәжірибе жүргізіледі

Күннің жарығы, көмірқышқыл газсу сөздері жазылған «Сиқырлы қорапша»

Слайд №8

Қала көшесі және орман суреті

http://balapan.kaztrk.kz

Дәптермен жұмыс

Сабақтың соңы

5 минут

Сабақтағы өз жұмысына баға беру.

  1. Мен сабақта ________ жұмыс істедім, себебі ________.
  2. Сабақтағы өзімнің жұмысыма мен ________ себебі, ________.
  3. Сабақтың тақырыбы ________ болды.
  4. Менің қосымша ________ жайлы білгім келеді.

Бағалау парағы

Слайд №9,10

Қосымша ақпарат

Саралау. 

Оқушыларға қалай көбірек қолдау көрсетуді жоспарлайсыз? 

Қабілеті жоғары оқушыларға қандай міндет қоюды жоспарлап отырсыз?

Бағалау - оқушылардың материалды меңгеру деңгейін қалай тексеруді жоспарлайсыз?

Денсаулық пен қауіпсіздік техникасының сақталуы 

Материалдарды игеру деңгейлерінде оқушылардың қызығушылығын арттыру мақсатында ақпаратты қабылдаудың әр түрін ескеру. Оқушылардың ақпаратты қабылдауына байланысты тапсырмалар ұйымдастыру.

Сабақ барысында 

-мадақтау, қолдау сөздер айту арқылы бағалау. 

-оқушылардың жауаптарын, іс-әрекеттеріне бақылау жүргізіп, түртіп алу арқылы бағалау. 

Сергіту жаттығуларын орындағанда, тақтаның алдында топтық жұмыс жасаған кезде оқушылар сынып ішінде жүргенде қауіпсіздік техникасын сақтау 



Поделиться в социальных сетях


Материал разместил
  • 0
Раушан Сәріпова
Добавил статей 1

Добавить комментарий/ отзыв

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
  • Или водите через социальные сети
  • Кликните на изображение чтобы обновить код, если он неразборчив
Опрос
Қазақстан Республикансының тұнғыш президенті
сертификат