Қатты дене, сұйық және газ қысымы Қатынас ыдыстар

Ұйымдастыру.

Өтілген тақырыптар бойынша оқушылардың алған білімдерін тексеру.

Газдардың қатты денелер мен сұйықтардан өзгеше қандай қасиеттері бар?

Газдың барлық бағытта бірдей қысым түсіретіні неден байқалады?

Гидравликалық престің құрылысы қандай?

Қатты дене қысымды қалай жеткізеді?

Паскаль заңы қалай айтылады?

Қысымды арттырып немесе кемітуге болады ма?

Миға шабуыл

Шәугімдердің, су құйғыштардың суретін көрсету арқылы сабақтың мақсаттарына келу.

Мұғалім:

Сабақтың ОМ мен сабақтың тақырыбын таныстырады.

Мұғалім:

Қатынас ыдыстардың қасеттерінің ғылыми ашылуының тарихына қысқаша шолу жасайды.

Оқушылар: негізгі ақпараттарды дәптерлеріне жазып алады.

Мұғалім: 

Проблемалық сұрақ қою:

Берілген ыдыстардың қандай ұқсастықтары бар?

Оқушылар: сыныппен талқылай отырып, берілген сұраққа өз ойларымен бөлісе отырып жауап береді.

Мұғалім:

Дұрыс жауап берген оқушыларды мадақтап, қиындық туғызған оқушылардың жауаптарына түзетулер енгізеді.

Мұғалім: 

Қатынас ыдыстардың анықтамасын береді.

Оқушылар: негізгі ақпаратты дәптерлеріне жазып алады.

Тәжірибе көрсету.

Мұғалім: 

Екі шыны түтікшені алып, резина түтікше арқылы жалғайды. Егер резина түтікшені ортасынан қысып ұстап, бір түтікшеге су құйып, одан кейін резина түтікшені ашып тастаса, не болады? 

Оқушылар: 

Сыныппен талқылай отырып, өз ойларымен бөліседі.

Мұғалім: 

Кез келген пішінді қатынас ыдыстардағы тыныш тұрған біртекті сұйықтың еркін беттері бірдей деңгейде болады.

Оқушылар: негізгі ақпараттарды дәптерлеріне жазып алады.

Мұғалім:

Егер қатынас ыдыстарға тығыздықтары әр түрлі сұйықтықтар құйса, онда сұйықтық деңгейлері қандай болады?

Оқушылар:

Сұйықтық деңгейлері әр түрлі болады.

Мұғалім: 

Қысымдары тең болғанда, тығыздығы үлкен сұйық бағанының биіктігі тығыздығы аз сұйық бағанының биіктігінен кем болады.

Оқушылар:

Негізгі ақпаратты дәптерлеріне жазып алады.

Мұғалім:

Оң жақтан және сол жақтан түсетін қысымдардың теңдігі p₁= p₂ тепе теңдік шарты болып табылатынын ескерсек, болып шығады. Осыдан,

h₁/h₂=өрнегін аламыз.

Қатынас ыдыстардағы әртекті сұйық бағандарының биіктігі олардың тығыздықтарына кері пропорционал.

Оқушылар:

Негізгі ақпараттарды дәптерлеріне жазып алады.

Оқушылар:

Қатынас ыдыстардың тұрмыста, техникада қолданысына интернет желісін қолдана отырып, ақпараттар іздестіреді. Негізгі ақпараттарды дәптерлеріне жазып алады.

Оқушылар: 

Бекіту тапсырмаларын орындайды. Өзара бағалау.