Менің атым – Аруна. Мен 10 орыс сыныбының оқушысымын.Қарағанды облысы, Шет ауданы, Ақжал кентінде тұрамын. «Отбасы шағын мемлекет», «Отан - отбасынан басталады» деп бекер айтпаса керек. Отанның бір кішкентай бөлшегі- ол отбасы.Менің отбасым , мен үшін, аса қымбат адамдардан тұрады.
Олар: әкем, анам, ағам және жеңгем.
«Әке- асқар тау»- демекші, мен өз әкеммен мақтанамын. Ол-мен үшін өмірдегі ең қымбат жанның бірі. Менің тірегім. Әке- ұрпақтың панасы, үйдің басшысы әрі тірегі.Өмірге келген баланың әрбір сәтті қадамы әке үшін үлкен мәртебе, сол мақтаныш болмақ.Сондықтан да, әкенің ақылымен жүру, ешкімнің ала жібін аттамай, адал ғұмыр кешу, баланы тек жақсы болашаққа әкеледі.Демек, әкені ренжітпей оның айтқанын тыңдау, менің ойымша,
Әр баланың басты парызы. Әке мейірімі, берген тәлім-тәрбиесі, қыз балаға үлкен әсер ететіні сөзсіз.
Менің әкем — Кошкимбаев Шалқар Тлеухорұлы 1969 жылы туылған.
Ол «Nova-цинк» кәсіп орнында қызмет жасайды.Менің әкем білімді, ақкөңіл, балажан, мейірімді адам, балаларының ішінде мені ерекше жақсы көреді. Әкем маған өз мейірімін, көмегін аямайды. Еңбекқор болуға, намысты болуға тәрбиелейді.Әкемді мақтан тұтамын!
Ал менің анам – Қасымбекова Танзилия Нұрғалиқызы 1976 жылы дүниеге келген.Ол «Ақбота» бөбекжайында тәрбиеші болып, елге адал қызмет еткен жандардың бірі. Мемлекеттік қызмет атқара жүріп, балаларына жақсы тәрбие беріп келеді. Еркелігімізді көтеріп, қателескен кездерімізді түсініп, кешіре білген кезінде ақыл-кеңесін аямайтын, осы дүниенің тек тәтті тұстарын көрсетуден, жақсылыққа итермелеуден жалықпайтын адам.
Менің анам бізге, ең бірінші «әкелеріңді сыйлаңдар, ренжітпеңдер» деп айтып, әкені сыйлауды, жалпы ер азаматты қадірлеуді үйреткен.
Әкем мен анам үлкенді құрметтеу, отбасы мүшелерінің жауапкершілік, адамгершілік сезімдерін туғызған.Оларға алғысым шексіз!
Менің ағам, әрі досым ол - менің сүйікті ағам. Мен оған әр уақытта сенім арта аламын.Ол маған әр уақытта көмектеседі.Біздің достарымыз, қызығатын ісіміз бөлек болса да, бізде ортақ нәрсе көп.Мысалы, біз ғана түсінетін сөздер мен әзілдер бар.Біз бір – бірімізге ренжісіп қалатын уақыттар да болады, алайда біз әрқашанда бір - бірімізге қол ұшын беруге дайынбыз.Мен ағаммен мақтанатынымды айтқан емеспін, бір-ақ ол түсінеді. Ол ең керемет жан.
Менің ақылшым, сырласым әрі құрбым болып кеткен – жеңгем. Ол балаларды бағып-қағу, өсіру, ағайын жұрттың береке-бірлігіне ұйытқы болу сияқты негізінен жанұяның құт-берекесін арттыратын адам.Ол өте қарапайым, түсінігі мол жан .Маған «жаным», «күнім», «еркем» дейді. Әкем «менің екінші қызым» деп еркелетеді.
Бірін-бірі демеп, сүйеу бола біліп, ынтымағы жарасқан отбасымыз. Мен өз отбасыммен мақтан тұтамын. Қазақтың әр отбасының керегесі кең, шаңырағы биік болсын!
