Біздің үйде 6 адам тұрады. Анам, әкем, әжем, ағам, менің егізім Аида және мен - Анель.
Біз Екібастұз қаласының қасында орналасқан Солнечный поселкесінде тұрамыз. Анам мектепте мұғалім болып жасайды. Әжем – зейнеткер. Ағам Павлодар Мемлекеттік университетінде оқиды. Біз Аида екеуміз бір сыныпта оқимыз. Ал әкем - жедел жәрдем жүргізушісі. Ауырған адамға жедел көмекке барады. Ауырған адамды Екібастұз қаласына жеткізеді. Әкем мені де жедел жәрдем машинасымен қалаға апарған. Онда қызық оқиға болды. Жаңа жылды қарсы алу үшін анамызбен үй жинадық. Ағам кілемдерді қарға апарып шаңын қақты. Ағам кілемдерді үйге тасу үшін домофонға қоңырау шалды. Мен жүгіріп барып есікті ашқым келді. Осы кезде анам еден жуып жатты да мен тайып құладым. Кешке жақын аяғым ауырған соң, жедел жәрдем шақырдық. Әкем дәрігерлермен бірге келіп, анама ренжіді, уайымдап қалды. Мені көтеріп машинаға отырғызды. Дәрігерлер аяғымды аппаратпен тексерді. Аяғым сынбаған екен, дәрі жазып берді. Біз анам екеуміз түнделетіп үйге келдік. Бұл 31 желтоқсан болатын. Сағат 12-ні соққанға дейін үйге келіп үлгергенімізге қуандық.
Отбасының көркі - әжеміз. Ол бізге сабақтан келгенде есік ашады, бізді қарсы алады. Әжемнің шайы үнемі қайнап тұрады, дастарқаны жайнап тұрады. Анам тәтті нан пісіреді. Әжем бауырсақ пісіреді. Әжемізбен бірге түшпара жасаймыз. Әжем қамыр илейді. Бізге кішкене бөліктермен кесіп береді. Аида қамырды оқтаумен жазады, ал мен етін салып жабыстырып, түшпара жасаймын. Біздің мықтап үйреніп алғанымыз соншалық, біздің саусағымыз саусағымызға жұқпай тез істейміз.
Әкем бос уақытында таксист болып жұмыс істейді. Аида екеумізді және анамды мектепке апарып тастайды. Біз отбасымызбен балмұздақты қатты ұнатамыз.
Біздің үйде мысығымыз да болған. Біз ұйықтағанда көрпеміздің жанына келіп ұйықтайтын еді. Біз далаға ойнауға кеткенде ол бізді іздейді екен. Біз келген соң ол бізге мияулайды, қайда кетіп қалдыңдар деп«ұрсады». Біз оны бір күні далаға шығарып, содан таба алмай қалдық. Біз оны тауып алсақ үйге әкеліп жуындырамыз, арнайы шампуні бар. Тамақ ішетін ыдысы да бар. Мысық болғанда үйде жайлы болып тұрады.
Біздің отбасымыз бақытты. Отбасым – Отаным!
