Жастар - қазіргі қазақ елінің болашағы. Сондықтан да еліміз қазіргі жастардан үлкен үміт күтуде және жастарға ерекше назар аударылып мол мүмкіншіліктерге жол ашылуда. Еліміздің кемелді болашағын баянды ету біздің қолымызда. Осыған орай «Еліміздің үмітін ақтау, оны өркендетіп, мемлекетімізді көркейту үшін не істеу қажет?» деген орынды сұрақ туындайды. Бұл сұрақтың жауаптарының бірі-бәсекеге қабілетті, қазіргі заман талабына сай білімді арттыра отырып рухани құндылықтарды қастерлеу, бос уақытты тиімді өткізу және ұйымдастыру, білім алу, патриотизімді ояту осының барлығы бізді болашаққа апаратын кемел жол болып табылмақ. «Жастар - елдің болашағы» деген сөзді жиі естиміз. Осы біздің болашағымыз, елдің ертеңгі тағдыры екенін ескере отырып әрбір жастар өзінің бүгінгі іс әрекетіне есеп бере алатындай, жауапкершілікпен өмірге қарай алатындай, әр жасаған ісі қоршаған ортаға, адамзатқа пайдасы тиетіндей игілікті іспен айналысуы керек.
Ғылым таппай мақтанба,
Орын таппай баптанба,
Құмарланып шаттанба
Ойнап босқа күлуге.
Бес нәрседен қашық бол,
Бес нәрсеге асық бол,
Адам болам десеңіз.
Тілеуің, өмірің алдыңда,
Оған қайғы жесеңіз.
Өсек, өтірік, мақтаншақ,
Еріншек, бекер мал шашпақ —
Бес дұшпаның білсеңіз » деп Абай атамыз атқандай еңбек етуден, білім алудан, адами жоғары құндылықтан ешбір адам азған емес. Жоғарыда айтылғандай жастарға жан-жақты қолдау көрсетіледі. Олар сонда қандай қолдау демексіздерғой. Әлеуметтік бағдарланған мемлекеттік бағдарламалардың операторы бола отырып, «Бәйтерек» холдингі мен оның еншілес ұйымдары қазақстандықтарды қолжетімді баспанамен, жұмыспен және бизнес-жобаларды дамытуға арналған құралдармен қамтамасыз етуде маңызды рөл атқарады. Осы міндеттерді шешу шеңберінде Холдинг жастар бастамаларын іске асыруға бағытталған бірқатар жобаларды жүзеге асырады. Бұл бағытта бірінші «Даму» қоры арқылы жастар кәсіпкерлігін қолдау болып табылады. «Еңбек» нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған бағдарламасының шеңберінде микро және шағын бизнес ашу. Еңбек етемін, жұмыс жасаймын- деп «екі қолға күрек алған» жастар болса мүмкіншілік пен қолдауда жеткілікті болмақ. Қазіргі таңда жастарды қолдай отырып салауатты өмір салтын қалыптастыруда 17-21 жас аралығындағы спортшылар халықаралық жарыстардан жеңімпаз атанып елімізді әлемге танытуда. Мысалға келтірсек 20-27 қазан айында Корея астанасы Пхеньянда жастар мен жасөспірімдер арасында Азия чемпионатында Қазақстан ауыр атлетикадан күмісті жеңіп алды. 22 жастағы боксшы Абылайхан Жүсіпов Герианияда «Бранденбурк кубок» сайысында алтын медаль алған болатын. Қазақстан халқының бірлігін нығайтуға үлес қосқан қазақстандық әнші Димаш Құдайберген. Олай болса осындай Қазақ жастары қоғамның қозғаушы күші қазақ елін әлемге танытушы тұлғалар көбейе берсін демекпіз.
Жастар елдің болашағы
