Сабақтың мақсаты: Өскелең ұрпақтың білімге құштарлығынқалыптастыру және жаңа оқу жылының алдында мереке атмосферасын құру, жақсы оқуға мотивация беру
Күтілетін нәтижелер:
• Биік шыңдарға біліммен шығуға болатынын, еліміздің
ертеңі―білімді,саналы ұрпақтың қолында екенін түсінеді;
• танымдық белсенділікті арттырып, өз пікірлерін тұжырымдап
еркін сөйлеуге, өзіне сенімді болуға үйренеді;
• аға ұрпақ әңгімесінен ғибрат, үлгі өнеге алады;
• топта бірлесіп жұмыс жасауға, бір -бірінің пікірін тыңдап,
қолдау көрсетуге дағдыланады.
Қолданылатын ресурстар:
Интернет ресурстары, бейнежазбалар, топ ережесі
Көрнекі құрал-жабдықтар:
Филипчарт қағаздары, стикерлер, түрлі-түсті
маркерлер,қаламдар, суреттер, интербелсенді тақта
Сабақтың әдісі: сұрақ - жауап, топтау
Пәнаралық байланыс: қазақ тілі мен әдебиеті, орыс тілі, ағылшын тілі, математика,
тарих,бейнелеу.
Сынып сағатының жүрісі:
І.Ұйымдастыру кезеңі.
Қызығушылықты ояту. Психологиялық сәт:
«Психогеометрия»- өзін - өзі тану
Оқушылар өзіңе ұнаған геометриялық фигуралардың кез - келгенін таңдауы тиіс. Әр фигура қандай да бір адам бойындағы қасиетті, қабілетті білдіреді.
Әрқайсысымыз өзімізді танып көрелік.
Шаршы, үшбұрыш, шеңбер арқылы үш топқа бөлінеді.
Шаршы. Сіздерде төзімділік, шыдамдылық, еңбекқорлық дамыған. Өз айналана адамдарды жинап ұйымдастыру, реттеу және жүйелеу қабілетің баршылық. Болашақта үздік администратор шығады
Шеңбер. Сіздерде адамгершілік жоғары дамыған. Өз әріптесіңді тыңдай аласың және оның қайғысы мен қуанышын бірге бөлісесін, басқаның ауыртпалығына жәрдемдесу қабілетің жоғары қалыптасқан. Жеке адамдар арасындағы кикілжіңдер тән емес, өзіңді олардан аулақ ұстайсың. Сіздерден үздік психолог шығуы мүмкін.
Үшбұрыш. Сіздерге басқарушылық қасиет тән. Өз көздеген мақсатына қол жеткізуге барлық мүмкіншілігіңді жасайсың. Өзіңе сенімдісің және жеңіске, жетістіктерге, ұтыстарға оңай қол жеткізесің. Айтқаныңнан шықпайсың, абыройлысың. Қоғамда, өмірде жоғары жетістіктерге қол жеткізесің, жұмысыңда жоғарыға көтерілуге бейімділігін бар.
ІІ Кіріспе сөз.
Бүгінгі Білім күні елімізде «Саналы ұрпақ – жарқын болашақ» жалпыреспубликалық азаматтық және патриоттық сабақ түрінде өтуде.
Топтастыру сұрағы: Саналы,патриот, азамат сөздерін қалай түсінеміз? (Оқушылар ақылдасып, A4 қағазына топтастыру сызады. Әр топтан үш оқушы шығып өз тұжырымдарын тақтаға қорғайды)
Интербелсенді тақтада слайд
|
Өз елінің патриоты болу – кез келген адам үшін әрқашан үлкен құрмет. Патриот болып туылмайды, патриот болып қалыптасады. |
Патриотизм – жанға терең түсетін өте қымбат сезім. Оны сөзбен емес іспен көрсетуі тиіс. |
Мұндай үлкен сезім отбасынан басталады. Табиғатқа, қоршаған ортаға ұқыпты қарауды ата ана үйретеді.Отбасы – мемлекеттін –түрегі. |
ІІІ.Бейнероликтер тамашалау
Сұрақтар:
1.Сіздер саналы, білімді азамат болып өсуі үшін өздеріңнің бірінші парыздарыңыз не деп ойлайсыңдар?
|
1. Білім алу. 2. Отанды сүю. 3. Ана тілін құрметтеу |
4. Ұлт жанды азамат болу. 5. Атамекенді, туған жерді сүю. 6. Денсаулығы мықты азамат болу. |
Олай болса, Білім күніне арналған дайындықтарыңызды, бейнероликтеріңізге назар аударайық.
Менің есейген кластастарым Менің армандарым мен ойларым
Болашақ мамандықты таңдау алдында
тақырыптары бойынша ойларын ортаға салады, тақтадан бейнеролик көрсетіледі. (6 минут)
IV. Кездесуге келген қонақпен таныстыру.
Бүгінгі мерекеміздің қонағы -жастарға үлгі болатын үлкендердің бірі, осы лицейді бітіргеніне 20 жыл болған шәкіртім, бүгінде облысымыздағы Келісім орталығының мүшесі Сүгірбаев Аят Исатайұлы ағаларыңа сөз беремін. Тыңдап, ойландырған сұрақтарыңызға жауап алуларыңызға болады.
V. Танымдық сайыс«Адамға ең бірінші білім емес, тәрбие берілуі керек, тәрбиесіз берілген білім – адамзаттың қас жауы, ол келешекте оның барлық өміріне апат әкеледі», - деген Әл –Фараби бабамыз.
Ұшқыр ойға серік болсын шеберлік,
Өз кезегін сайыскерлерге берелік.
І.«Бәйге» Әр бала бір сұраққа тез жауап береді.
|
№ |
«Шаршы» тобы |
Үшбұрыш тобы |
Шеңбер тобы |
|
1. |
ҚР - ның рәміздерін ата. (Әнұран, Елтаңба, Ту) |
Еліміз Тәуелсіздік алған күні? 1991ж. 16 желтоқсан |
ҚР - ның Ата Заңы қашан қабылданды? ((1995ж. З0 тамыз) |
|
2. |
Жеті қазынаны ата (Ер жігіт, сұлу әйел, ақыл, білім, жүйрік ат, қыран бүркіт, берен мылтық, жүйрік тазы) |
Үш қуатты ата. (Ақыл қуат, Жүрек куат, Тіл куат) |
Бес қаруды ата (Садақ, Мылтық, Найза, Қылыш, Айбалта) |
|
3. |
Қазақтың ең бірінші ұшқыш ғарышкері (Тоқтар Әубәкіров) |
Екі жарым таяқтың неше ұшы бар? (6 ұшы бар) |
Қазақтың даңқты ұшқыш қызы кім? (Хиуаз Доспанова) |
|
4. |
«Кел, балалар, оқылық!» өлеңін жазған кім? Жалғастырып айт. (Ыбырай Алтынсарин) |
Әуес көріп жүгірген жас балалар Беті - қолы домбығып үсік шалды. Шидем мен тон қабаттап киген малшы, Бет қарауға шыдамай теріс айналды. Кімнің қай өлеңінен үзінді? (Абай Құнанбаев «Қыс») |
Жас күнінде суретші болуды армандап, кейін белгілі балалар жазушысы болған кім? Бердібек Соқпақбаев |
|
II |
«Дода» |
Жұмбақтың шешімін тауып, |
үш тілге аударып айтыңдар. |
|
5. |
Жүз теңгең болғанша, Жүз .. болсын. (дос - друг - friend) |
Қабат - қабат қаптама, Ақылың болса аттама (кітап - книга – bооk) |
Тұмсығымен қозғалар, Соңынан аппақ із калар. (бор - мел - chalk) |
Қорытынды.
Сынып жетекшісі: Коразова С.Б.
