Иә, мен – мұғаліммін. Бұл - менің мәртебем, бұл - менің мамандығым,
бұл - менің әлемім, менің жұмысым. Ал, ол қандай мәртебе? Қандай әлем?
Қандай жұмыс?
Мен үшін мұғалім болу – үлкен мәртебе. «Ғалым да, шахтер да бас
иетін» мықты ұстаз болу, шәкірт жүрегінде асыл бейнең мәңгіге қалатын
ұстаздық неге мәртебе болмасқа? «Білім берген, ой берген, ақыл берген, Көз
алдымнан кетпейді асыл бейнең» - деп, әрбір шәкірт құрметпен еске алатын
болса, ол маған, маған ғана емес, әрбір ұстазға берілген ең жоғарғы мәртебе,
құрмет дер едім.
Шынында да, мұғалімдік – мамандықтың төресі. Маған одан артық
лауазымның керегі жоқ.
Мұғалім бүкіл ауылдың зиялылық келбетін айқындайтын. Мұғалімнің
өзі де, сөзі де, жүрісі де, тұрысы да бөлек. Мен сияқты ауыл баласы үшін
одан биік тұлға болмайтын. Әке-шешеңнен гөрі мұғалімнің айтқаны
заңдырақ секілді көрінетін. Ал енді мұғалімнің шәкірт алдындағы беделі
деген сұмдық. Оны сыйлайсың әрі сескенесің. Құрметтейсің әрі қорқасың.
Жақсы көресің әрі жасқанасың.
Көшеде жастардың сәлемін алған үлкендер «Мұғалім бол, балам!»
дейтін. Міне, осындай батаны көп алған мен де мұғаліммін бүгінде. Мұғалім
болғаныма қуанбасам, еш өкінген емеспін.
Нағыз ұстаз болу бақыт әрі абырой. Шындығында мұғалім болу оңай
болып көрінгенмен, нағыз ұстаз болу екінің бірінің қолынан келе бермесі
анық. «Ұстазды алтын діңгекке теңер едім», – деп ұлы педагог Ы.
Алтынсарин айтқандай, ұстаз жолы қиыншылығы мен рахаты бір басқа
жетерлік мамандық атаулының ұлысы.
Иә, мен – мұғаліммін, елімнің болашағы менің қолымда.
В.Л.Сухомлинский: «Адам тәрбиелеу – адамзаттың ең бірінші аса
маңызды қоғамдық қызметі, оның азаматтық борышы», - деген. Мен
де -жас ұрпақты тәрбиелеп, білім беретін, қоғамның айнасы іспеттес
мәртебелі мамандық иесі мұғаліммін.
Мұғалім болу – үлкен жауапкершілікті, білімді талап ететін
маңызды
міндет. Себебі алдымдағы әр баланың тағдырына, білімді де саналы,
тәрбиелі азамат болып өсуіне жауаптымын. Менің алдымдағы бүгінгі
оқушым – еліміздің ертеңі. Тұңғыш елбасы Нұрсұлтан Әбішұлы Назарбаев:
«Болашақта еңбек етіп, өмір сүретіндер-бүгінгі мектеп оқушылары.
Мұғалім оларды қалай тәрбиелесе, Қазақстан
да сол деңгейде болады. Сондықтан да ұстазға жүктелетін міндет
ауыр»
деген болатын. Демек, ұрпақ тағдыры ұстаздың қолында. «Ел есінде
бір жыл қалғың келсе – ас бер, он жыл қалғың келсе ағаш отырғыз, ал мәңгі
қалғың келсе бала тәрбиеле» дейді халық даналығы.
«Адамның қалыптасуы бала кезден басталады. Жақсылық та
адам бойына нақ сол бала кезде егіледі», - деген С.В.Михалков.
Демек, мұғалім - бала бағбаны.
