Сөзбен жеткізе алмайтын сезім жүрегімді әрбір бұрыштан улап жатқа ндай.Алдымда қап-қара түнек,жанымды барған сайын қинап,айналадан бір тірі жанды да кездестіре алмай,ой-санам уақыт арасында жоғалып бара жатыр.Құлағым шыңылдап,басым айналып,кеудем қысылып маза бермеуде.Түсініксіз бейнелер,жақын болса да алыста естіліп жатқан таныс дауыстың сөздері жәй ғана әріптердің кездейсоқ дыбысы.
Сыпатаев,тұр!Есіңді жина! Берген уәдеңді жерге тастамашы,естіп тұрсың ба?Ауылдағы адамдар көздеріндегі үмітпен бізді күтіде,үйге жетуге аз ғана уақыт қалды емес пе?!Шыда,досым...-деген өжет адам қолымды шүберекпен байлап,қанды уақытша болсын тоқтатпақшы ниетпен сөйлеп жатыр.Өткен оқиғалар лабиринт сияқты жол.Әрбір тұйыққа тірелгенде көз алдамнан кішкентай кезім күтпеген жерде шыға қояды.Езуімде көңілді күлміс қатып,уақыттың қандай шектеулі екенін түсіндім.Қасымда отырған бауырымдай болып кеткен адамның қандай күйге түскенін қарау,алған жарамнан мың есе ауыр.Оның менімен кеткенін қаламаймын.Иә,осы жерде ұзаққа қала алмайтыным анық.Апамның ыстық алақанын тым болмаса бір рет тағы да сезініп,ыстық құшағына кіріп кетуге не жетсін?Өкінішке орай,анашым,сіз мені көре алмай кетесіз.Үмітіңізді желге кетіргенім үшін кешіріңізші...Менің орындай алмаған армандарыммен қатар,оқуымды сәтті бітіруім,тек қана түсіңізде көретін шығарсыз.Шынымды айтсам,дәл қазір қорқыныш ұялатып әкетіп бара жатыр.Біз неше жаста болсақ та,бәрібір баламыз.Көрпеге оранып,қара шәй ішіп,болып жатқан ортаны ұмытып кетсем бе деймін.Мен шынымен де сол баяғы тыныш өмір өзеніне бір сәт шомылғым келеді,апатайым.Досыммен өткен оқиғалар есімде кеше болғандай сақталып,сіздің дайындаған бәліштеріңіздің дәмі мәңгі есімде қалады деп уәде беремін.Ал сіздер,өмірлеріңізді менің орныма сүріңіздер.Берілмеңіздер.Бәлкім,менің аспанға аттануым отанымызға үлес қосқан шығар.Болашақта қазіргі оқиғалар қайталанбайтыны,бізге қарағанда бақытты өмір кешуі мүмкін ғой,иә?Кім біледі,алдыда не күтіп тұрғанын...
1991 жылы 16 желтоқсанда Қазақстан Республикасының жоғарғы кеңесі "Қазақстан Республикасының мемлекет тәуелсіздігі туралы" Конституциялық заң қабылдады.Ғасырлар бойы ұмтылған ата-бабаларымыздың соңғы демі қалғанша жүрегіндегі ниеті орындалған күн.Қанша адамның үмітінің нәтижесі.Азаттық үшін күресте қылыш сермеп,көздеріндегі оттың лапылдап жануының себебі,талай қиыншылықтарды бастан кешкендерінің жемісі.Мемлекеттердің тұтастай даму тарихына үңілер болсақ,бостандық үшін,тауелсіздік үшін күрестің толассыз жүргілізгенін байқаймыз.Ұзақ жолдың бастамасы 1916 жылдары қазақ халқының Ресей үкіметіне қарсы ұлт-азаттық көтерілістен бастау алған.Халқымызға түрлі қыспақтар жасап,бес жүз мың қазақты дүниежүзілік соғысқа аттанудың бұйрығы үшін қарсыкөтеріліске шыққан адамдардың саны арта түскен.Осы кезден бастап Қазақстанның тәуелсіздік жолында күресі басталған.
Қорытындылай келе,"Залалыңды тигізбе, пайдаң жақсы".Өткеннің қателіктерін қайталанбауы үшін өзімізден бастау алуымыз керек.Ата-бабаларымыз арттарынан қалдырған жерлері,еңбектері біздің қолымызда тұр.Айтарлықтай қиыншылық көрмегеніміз солардың арқасы екендігін ұмытпайық.Ішіміз тоқ,басымызда баспана,оқу орындарымыз толып жатыр.Қазақ елі 30 жыл арасында биіктерге самғап,сатымен көтеріліп келе жатыр.Әрбіріміз болашаққа деген ықыласымызбен,шаттық пен берекенің құламауы үшін ойымызға түйін түйіп,үлес қосайық. Ғасырлар бойы арман еткен егемендік-қазақтың басына қонған бақ.
