БЕЙНЕЛЕУ ӨНЕРІ САБАҒЫНДАҒЫ АРТ-ТЕРАПИЯ ӘДІСТЕРІ
Мажын А.Қ.
Аңдатпа: Бұл статьяда жалпы білім беру орталықтарында тәрбиелеу, диагностикалық және реабилитациялық әдістерді қолдану арқылы бейнелеу өнері сабағында арт-терапия әдісін дамыту және қолдану ерекшеліктері қарастырылады. Автор бұл әдістің оқу үрдісіне еңгізуде қаншалықты жаңашылдықтың дұрыстығын сарамалдап, талқылайды.
Abstract: The article dwells upon issues related to the study of peculiarities of art-therapy methods application at Art lessons in secondary school as a preventive, developing, diagnostic and rehabilitation techniques. Expediency of innovations in educational process are analyzed with specific attention paid to such kind of fine arts as thematic drawing.
Қазіргі замандағы жағдайды ескере отырғанда әлеуметтік-мәдени кеңістікте болатын жағымды және жағымсыз үрдістер өсіп келе жатқан ұрпаққа білім берілу жағын қарастырса толығымен отбасы және мектепке келіп тірелетінін байқауға болады. Екіойлылық, тұрақсыздық, қорғансыздық секілді қалыптарға мұғалім де оқушы да бірдей ұшырайды. Мінез-құлықтарында ақаулықтары бар, агрессивті және эмоционалды тұрақсыз балалардың саны қазіргі таңда артуда. Мектеп мұғалімдеріне өзекті мәселе болып олардың жалпы нормадан тыс кеткендермен қалай күресуге болатындығы жатады. Ол тізімнен аса дарынды балаларды алып тастауға болады - олар ерекше амал-тәсілдерді қажет етеді. Дегенмен оларға ерекше амал-тәсілді қолданатын инновациялық технология мен әдісті қамтитын педагогикалық көмек керек. Осылайша арт-терапевтік әдісті жалпы білім беру орталықтарының бейнелеу өнері сабағында қолдану уақытылы және нәтижелі енгізілім болып табылады. Алайда осы уақытқа дейін арт-терапия әдісін бейнелеу өнері сабағында 5-8 сыныптар аралығында қолдану аясы жайлы көркем өнер педагогикасы аумағында толыққанды зерттелмеген.
