«Жүрдек уақыт сіздер мен біздерге жаңа ХХІ ғасыр өмір сүріп, еңбек етуге бұйырып отыр. Тәуелсіз ел болғалы бері сүйікті Отанымыз Қазақстан жер жаһандағы өркениетті елдермен иық тіресіп, терезесі тең, керегесі кең іргелі мемлекетке айналды. Атқарылған іс аз емес, бірге жалғастырайық»,-деп Елбасымыз Н.Ә.Назарбаев барша қазақтандыққа үлкен сенім білдірді, міндет жүктеді. Олай болса елімізді, туған жерімізді әспеттеп, айшықтап жазсақ, елге танытсақ еліміздің өркендеуіне теңізге тамған тамшыдай болсада үлес болмақ. Ендеше:
Туылған Қарқаралы Қасымдарын,
Тауының серік еткен жасындарын.
Көп мұнда айыр көмей, жез таңдайлар.
Жерінің жеткізе айтар асылдарын.
Анасы, шын бесігі өлең-жырдың,
Бағасы түсер артып сенен кімнің.
Қазақтың қасиетті бір өлкесі,
Қазынасы өткен күннің, келер күннің,- деп ақын жырлағандай, шалқар Сарыарқаның Рухани шамшырағына айналған Қарқаралы қаласы жасай берсін!!!
Армандай асыл өлкем Арқадағы, өркендеп өсе берші Қарқаралы!
