Міндетті мектеп формасын енгізу бойынша
ЖАДНАМА
Мектепте бірдей мүмкіндіктерді, іскерлік жағдайды және төзімділікті тәрбиелеу үшін Міндетті мектеп формасына қойылатын талаптар әзірленген (ҚР Білім және ғылым министрінің 2016 жылғы 26 қаңтардағы № 26 бұйрығы).
Қазақстан зайырлы және құқықтық мемлекет болып табылады және дінді қабылдауға еркіндік берілген.
Қазақстан Республикасы Конституциясының 22 бабына сәйкес, әркімнің ар-ождан бостандығына құқығы бар, ар-ождан бостандығы құқығын жүзеге асыру жалпы адамдық және азаматтық құқықтар мен мемлекет алдындағы міндеттерге байланысты болмауға немесе оларды шектемеуге тиіс.
«Діни қызмет және діни бірлестіктер туралы» Қазақстан Республикасы Заңыныңа сәйкес
ü Қазақстан Республикасындағы білім беру және тәрбиелеу жүйесі, рухани (діни) білім беру ұйымдарын қоспағанда, дін мен діни бірлестіктерден бөлінген және зайырлы сипатта болады (3-бап 4-тармақ);
ü діни бірлестіктер мемлекеттік органдардың қызметін атқара алмайды, олардың қызметіне кірісе алмайды және Қазақстан Республикасының заңнамалық талаптарына бағынуы тиіс (3-бап 9-тармақ).
«Қазақстан Республикасындағы баланың құқықтары туралы» Қазақстан Республикасы Заңына сәйкес мемлекет бала тәрбиесіне араласпауға,оның құқығын бұзатын және жауапкершiлiгiн шектейтiн жағдайларды қоспағанда, кепiлдiк бередi (35-бап 1-тармақ).
«Білім туралы» ҚР Заңына сәйкес:
Білім беру ұйымдарындағы тәрбие үрдісінде нәсілдік, этностық, діни, әлеуметтік ымырасыздық пен айырықшалықты насихаттауға, милитаристік және де халықаралық құқық пен ізгіліктің жалпыға танылған принциптеріне қайшы келетін өзге де идеяларды насихаттауға тыйым салынады (28-бап 4-тармақ);
ата-аналар және өзге де заңды өкілдері міндетті
ü білім беру ұйымының жарғысында айқындалған қағидаларды орындауға (49-бап 3-тармақ );
- білім беру саласындағы уәкілетті орган белгілеген, міндетті мектеп формасына қойылатын талаптарды орындауға (49-бап 6-тармақ );
ü білім беру ұйымында белгіленген киім формасын сақтауға (49-бап 7-тармақ );
Міндетті мектеп формасына қойылатын талаптар ҚР БҒМ 2016 жылғы 14 қаңтардағы № 26 бұйрығымен бекітілген. Бұйрық Қазақстан Республикасының Әділет министрлігінде тіркелген.
ҚР Әділет министрлігінің 2016 жылғы 16 ақпандағы Қорытындысына сәйкес осы нормативтік құқықтық акт азаматтардыңзаңнамаларда бекітілген құқықтарын, бостандықтары мен мүдделерін бұзбайды және Қазақстан Республикасының қолданыстағы заңнамасына қайшы келмейді.
Мектеп формасына талаптар енгізу білімді, жан-жақты дамыған және бәсекеге қабілетті тұлғаны тәрбиелеу және оны діни негіздегі даулардан оқшаулау үшін бағытталған. Білім берудің зайырлы сипатта болуына байланысты оқу орындарының Жарғысымен бекітілген мектеп формасын кию бойынша талаптары білім беру ұйымдарында бұрын да болғанын атап өту керек.
Қазақстан Республикасы Конституциясының 39-бабы1-тармағына сәйкес адам мен азаматтың құқықтары мен бостандықтары конституциялық құрылысты қорғау, қоғамдық тәртіпті, адамның құқықтары мен бостандықтарын, халықтың денсаулығы мен имандылығын сақтау мақсатына қажетті шамада ғана және тек заңмен шектелуі мүмкін.
Білім бері ұйымдарының басшыларына мектеп формасына қойылатын талаптардың орындалуын бақылау жүктелген.
Білім беру ұйымдарында міндетті мектеп формасы бойынша нормалар орындалмаған жағдайда ата-аналарға және басқа да заңды тұлғаларына қатысты әкімшілік шаралар қабылдау
ТӘРТІБІ
І. Ата-аналар және өзге де заңды өкілдері міндетті
- білім беру ұйымының жарғысында айқындалған қағидаларды орындауға;
- білім беру саласындағы уәкілетті орган белгілеген, міндетті мектеп формасына қойылатын талаптарды орындауға («Білім туралы» Қазақстан Республикасы Заңының 49 бабы «Ата-аналардың және өзге де заңды өкілдердің құқықтары мен міндеттері»);
ІІ. 2. Ата-аналардың немесе өзге де заңды өкілдердің Қазақстан Республикасының білім беру саласындағы заңнамасында көзделген міндеттерді орындамауы немесе тиісінше орындамауы – он айлық есептік көрсеткіш мөлшерiнде айыппұл салуға әкеп соғады. Әкімшілік құқық бұзушылық туралы (Қазақстан Республикасының Кодексі 2014 жылғы 5 шілдедегі № 235-V ҚРЗ) 409-бап. Қазақстан Республикасының білім беру саласындағы заңнамасын бұзу
ІІІ. . Бiлiм беру саласындағы уәкiлеттi орган осы Кодекстiң 84, 409 (бірінші, екінші, үшінші, төртінші, бесінші және алтыншы бөліктерінде), 464 (бiрiншi бөлiгінде)-баптарында көзделген әкiмшiлiк құқық бұзушылық туралы iстердi қарайды.
Әкiмшiлiк құқық бұзушылық туралы iстердi қарауға және әкiмшiлiк жазалар қолдануға бiлiм беру саласындағы уәкiлеттi органның басшысы мен оның орынбасарлары, бiлiм беру саласындағы уәкiлеттi органның аумақтық органдарының басшылары мен олардың орынбасарлары құқылы. (730-бап. Бiлiм беру саласындағы уәкiлеттi орган 36-тарау. Әкімшілік құқық бұзушылық туралы істердің ведомстволығы, лауазымды адамдардың істерді қарау және әкімшілік жазаларды қолдану жөніндегі құзыреті).
