Мен педагогикалық мамандықты бала кезден қаладым. Балалық арманымның жетегімен педагогикалық институтқа түстім. Педагогикалық шеберліктің әліппесімен осы институт қабырғасында таныстым. Жоғары оқу орнындағы төрт жылда педагогика, психология, әдістемелерді тереңдетіп оқып, жас маман ретінде мектепке бардым. Бірақ институттан «дайын оқытушылар» шығарылмайды. Мұны мен мектеп табалдырығын аттаған кезде түсіндім. Менің алдымда жаңа мәселелер пайда болды. Ұстаздық жұмыстың қызығымен қатар қиыншылығы да мол екеніне көз жеткіздім.
Оқытып жүріп, өзіміз де үйренеміз...
