Қазіргі таңда, компанияның бәсекеге қабілеттілігін тек материалдық және қаржылық факторларына қарай бағалау, компанияның өз бизнесіне келетін теріс әсерлерді уақытында бейтараптандыра алмау қабілеттілігі салдарынан дұрыс емес қорытындыларға әкеледі. Менеджменттің негізгі міндеті – компания акционерлері үшін максималды пайда табу деген түсінік басым болса, бүгінде орнықты өркендеудің кепілі – әлеуметтік жауапкершілікті мінез-құлық екені түсінігімен ауыстырылуда. Себебі, Ebiquity Global CSR зерттеулеріне сәйкес, әлемнің ауқымды 91%-ы тұтынушылары, өндірушілерден әлеуметтік және экологиялық жауапкершілікті күтеді екен,сонымен қатар, 90%-ы жауапсыз немесе алдамшы іскерлік тәжірибелер туралы білсе, компанияға наразылық жариялауға дайын екен. Жалпы, тұтынушылардың 84%-ы мүмкіндігінше әлеуметтік жауапты өнімдер іздейтіндіктерін айтады (Cone, 2015).
Корпоративті әлеуметтік жауапкершілік (КӘЖ) – компаниялардың өз бизнесінінің қоғамның әртүрлі бөліктеріне ықпалын, сонымен қоса мүдделері мен қоршаған ортаға әсерлірін айқындауға арналаған шара (Moizer, 2018). КӘЖ тұжырымдамасын түсіну және енгізу тәсілі компания мен мемлекетке байланысты ерекшеленеді. Мәселен, КӘЖ – адам құқығы, корпоративті басқару, денсаулық сақтау және қауіпсіздік, қоршаған ортаға әсер ету, еңбек жағдайлары және экономикалық дамуға үлес қосу сияқты көптеген әр түрлі тақырыптарды қарастыратын өте кең тұжырымдама. Алайда,тұжырымдамасы қандай болмасын, КӘЖ мақсаты өзгерісті тұрақтандыру болып табылады.
Компаниялардың бұл үрдіске назар аударуының маңыздылығын келтіретін болсақ, ең алдымен бұл клиенттерді тарту және сақтау үшін қажет. Мәселен, миллиниалдардың 2025 жылға қарай АҚШ жұмыс күшінің 75% құрауы мүмкіндігі, ал олардың 75%-ы қазіргі таңда қайырымдылыққа жақын болып келеді (Stephen, 2020). Екіншіден, шығындарды үнемдеу. Тұрақтылықтың пайдасына көптеген қарапайым өзгерістер, мысалы, орамдарды азырақ пайдалану, өндірістік шығындарды төмендетуге көмектеседі. Үшіншіден, ең маңыздысы ол – қоғамдық имидждің жақсаруы. Бұл өте маңызды, өйткені тұтынушылар сатып алу туралы шешім қабылдағанда, жалпы компания беделін бағалайды. Аптасына бір сағат қайырымдылық жасауға өз еркімен баратын қызметкерлер сияқты, қарапайым нәрсе, басқаларға көмектесуге дайын бренд екенін көрсете алады. Нәтижесінде тұтынушыларға қолайлы болып көрінеді.
Корпорациялардың КӘЖ-ті қоғамға қосуы үшін бірқатар артықшылықтар мен себептер болғанымен, оны жүзеге асыратын ұйымдар үшін КӘЖ тиімсіз ететін бірқатар себептер бар, мысалы, сәтсіз КӘЖ жоспары сіздің компанияңыз үшін КӘЖдың болмағанынан да жаман болып шығуы мүмкін. Мәселен, экологиялық мәселелерге байланысты утилизацияның лайықты қамтылуы, сонымен қатар, тұтынушыларға өз уәделеріңізді орындап және қаржының тиісті жерге бөлініп жатқандығы көрсетіп отыру маңызды (Habas, 2018). Екіншіден, іске асыруға көп қаражат талап етеды. КӘЖ-нің басты кемшіліктерінің бірі – 10-нан 200-ге дейінгі жұмыскерлері бар шағын бизнеске жарамауы, тек ірі корпорациялардың ғана КӘЖ үшін бюджет бөлуге мүмкіндігі бар. Және де, бұл стратегияның тек маркетинг үшін қолданылуы. Кейбір компаниялар КӘЖ-ді тек маркетинг схемасы ретінде пайдаланады, олар қоғамдастыққа көмектеспейді.
