Қазіргі таңда Қазақстан Республикасында шағын және орта бизнес қарқынды дамуда. Кәсіпкерлік құрылымдарды құру өтпелі кезеңде мемлекет алдында тұрған басты міндеттердің бірі болып табылады. Дәл осы барлық деңгейдегі кәсіпкерлік құрылымдар барынша жұмыспен қамтуды қамтамасыз етуге және халықтың өмір сүру деңгейін арттыруға, демек, Қазақстан республикасының одан әрі әлеуметтік – экономикалық дамуы үшін қажетті әлеуметтік ахуалды жақсартуды қамтамасыз етуге қабілетті.
Қазіргі таңда елімізде шағын және орта бизнес жақсы даму үстінде. Шағын және орта бизнес дамыған елдерде халықты жұмыспен қамтуды кеңейтуде маңызды рөл атқарады.
Түйін сөздер: шағын және орта бизнес, субъект, өнім, корреляция, дисперсиялық талдау, факторлық талдау.
Қазақстандағы шағын және орта бизнес, экономиканың тиімді жұмыс істеуінің маңызды бөлігі болып табылады. Шағын және орта бизнес халықтың экономикалық белсенділігін, бюджетке салық түсімін және жалпы әлеуметтік – экономикалық дамуды қамтамасыз етуден маңызды рөл атқарады. Қазақстанда шағын және орта бизнесті қолдауға көп көңіл бөлінеді. Мұны шағын және орта бизнесті қолдау және ел өңірлерінің инвестициялық тартымдылығын арттыру бойынша қабылдаған көптеген бағдарламалар растайды. Жұмыстың басты мақсаты шағын және орта бизнестің дамуына кедергі келтіретін факторларды анықтау және жағдайды жақсарту болып табылады.
«Қазақстан Республикасының Шағын және орта бизнесінің қазіргі жағдайы мен Даму бағыттары» тақырыбы бойынша талдаудың сандық әдісін қолдану арқылы факторлық , корреляциялық және дисперсиялық талдау жасалды.
Корреляция коэффициенті – статистикада бұл x және y екі сандық айнымалылардың арасындағы сызықтық немесе пропорционалды тәуелділіктің тенденциясын өлшейтін көрсеткіш. Әдетте, x және y айнымалылардың жұбы бір популяцияның екі сипаттамасы болып табылады.
