Осы күнде Қазақстан нарығындағы лизинг бұрыннан өзіне артылған үміттерді ақтай бастады. Алдыңғы өткен жылдардағы дағдарыстарға қарамастан, бірнеше арналарымен ерекшеленетін Қазақстандық лизинг нарығы мемлекеттің қолдауы нәтижесінде және қаржылық лизинг заңына сәйкес күш ала бастады. Бұл ынтаның күштілігі соншалық, оларды қорландырудың құнының жоғары болуына қарамастан, жоғары дәрежемен өсіп келе жатқан компанияларға бұл үрдіс тарай бастады.
Лизингтік қызмет – мүлікті сатып алу және оны лизингке беру бойынша инвестициялық қызмет түрі. Лизингті екі түрге жіктеп көрсетеміз. Олар операциондық және қаржылық. Қаржылық лизинг инвестициялық қызметтің нысаны ретінде қарастырылуы мүмкін, ал операциялық лизинг лизинг беруші үшін ғана инвестициялық қызмет. Сондықтан да, мақалада қаржылық лизингтің Қазақстан Республикасының шаруашылық жүргізуші субъектілеріне оң әсері және елдің ЖІӨ-не әсер етуі анықталады. Қаржылық лизинг бұл инвестицияның Қазақстан нарығына жаңа инвестициялық қызмет түрі ретінде айқындалуы тиіс.
Қаржылық лизинг нарығының өсуіне тікелей мемлекет әсер етті деп айта аламыз. Олардың бірден-бір әсер еткен тұстары бұл: лизинг мөлшерлемесін субсидиялау және лизингтік компаниялар үшін арзан қорландыру шамасы. Бірақ мемлекеттің қаржылық лизингке араласуы кері жақтарымен де белгілі. Олар жеке компаниялардың белсенділігін шектейді және нарықтық жағдайларды бұрмалауы әбден мүмкін. Бұл нарық түрі мемлекеттік қолдауды негізінен талап етпейді. Алайда, Қазақстанда лизингтік қызметтің толық дамымауы мемлекеттің араласуына әсер етті.
Келесі кестеде Қазақстандағы қаржы лизингінің аумақтағы келісім-шарттарының 2016 – 2020 жылдар аралығындағы жалпы құны көрсетілген және әрі қарай талданылады.
