Мақалада инфляцияның халықтың әлеуметтік жағдайына әсері жайлы жазылған. Халықтың әлеуметтік жағдайына көп фактор әсер етеді. Инфляция-сол көрсеткіштердің ең негізгілерінің бірі. Мақалада мемлекеттің инфляцияға қатысты жоспарлары мен сандық әдістермен жасалған болжам арасында салыстырма талдаулар жасалды. Сонымен қатар, инфляция мен ол әсер ететін есептік көрсеткіштердің арасындағы байланысқа және инфляцияның өсуіне әсер ететін көрсеткіштерге талдау жасалған. Мақалада инфляцияға мемлекеттік реттеу мен халықтың әлеуметтік жағдайына әсері арасында байланыстың маңыздылығы қарастырылады.
Кілтті сөздер: инфляция, инфляцияны мемлекеттік реттеу, әлеуметтік маңызы бар тауарлар, ӘМБТ, төменгі күнкөріс деңгейі.
Инфляция мемлекеттің экономикалық тұрақтылығын сипаттайтын негізгі көрсеткіштердің бірі. Тұтыну тауарларының бағасының өсуі, елдегі несиелердің пайыздық мөлшерлемелерінің өсуі, өндіріс шығындарының өсіп кетуі тікелей осы көрсеткішке байланысты. Инфляцияға нақты экономикалық анықтама беретін болсақ, инфляция-тауар айналымының қажеттігімен салыстырғанда айналыс сферасының артық қағаз ақша массасымен лықа толып кетуі.[1] Қарапайым тілмен айтқанда, бос ақша көбейген сайын оның құндылығы және сатып алу мүмкіндігі де азайып кетеді. Яғни, мақала қарапайым халықтың әлеуметтік жағдайына инфляция тікелей әсер етеді, себебі тұтынушылық тауарлар қымбаттайды және қолдағы ақшаның құндылығының азаюымен өзекті.
2021 жылы 26 қаңтарда Қазақстан Республикасының Президенті өткізген Үкіметтің кеңейтілген отырысында инфляцияның 2021-2022 жылдарда 4-6%-ға түсіру және 2025 жылға дейін 3-4%-ға түсіру жайлы мәселе қозғалған болатын. [2] Инфляция деңгейінің түсуі, әрине, бірінші кезекте халықтың әлеуметтік жағдайының дұрысталуына алып келеді. Осы тұрғыда жұмыста мемлекеттің жоспары мен нақты математикалық сандық әдіс нәтижелері салыстырылды. Төменде инфляцияның 2014-2021 жылғы индекстері қарастырылған.
